„კახა კახიშვილი არის „ქართული ოცნების“ გუნდის წევრი, შესაბამისად, რაიმე კითხვის ნიშნის დასმა სწორი არაა”,- ამის შესახებ იურიდიული კომიტეტის თავმჯდომარე ანრი ოხანაშვილმა ჟურნალისტებს განუცხადა
“ეს მისი პოზიციაა, შესაძლებელია ცოტა ემოციურიც. დავილაპარაკებთ გუნდში და თუ ვინმეს უკმარისობის განცდა აქვს, რა თქმა უნდა, გვექნება მსჯელობა”,-განაცხადა ოხანაშვილმა.
შეგახსენებთ, საპარლამენტო უმრავლესობის წევრი კახა კახიშვილი არ გამორიცხავს, რომ „ქართული ოცნება” დატოვოს, ამის შესახებ მან „პალიტრანიუსის“ გადაცემა „დღის ნიუსრუმში” განაცხადა.
