ვფიქრობ, რაღაც მომენტში რუსეთში გააცნობიერებენ, რომ ამ აგრესიით, მათ გააერთიანეს კიდევ ერთხელ ქართველი ხალხის სურვილი და გააძლიერეს ტემპი, რომლითაც საქართველო წინ მიიწევს ნატო-სა და ევროკავშირის წევრობისკენ, – ამის შესახებ საქართველოს ელჩმა აშშ-ში დავით ბაქრაძემ განაცხადა.
ქართველმა დილომატმა ამერიკის ერთ-ერთ წამყვან გამოცემა Foreign Policy-ს რუსეთის საქართველოში ინტერვენციის 12 წლისთავთან დაკავშირებით ინტერვიუ მისცა.
„სამწუხაროდ, საქართველოში აგრესიიდან 6 თვეში რუსეთთან (მსოფლიო თანამეგობრობის) ურთიერთობა ჩვეულებრივ კალაპოტს დაუბრუნდა.. აშშ-ის კონგრესმა საქართველოს სეპარატისტული რეგიონები ოკუპირებულად პირველად მხოლოდ 2017 წელს ცნო და შეუწყვიტა ფინანსური დახმარება ყველა ქვეყანას, რომელიც ცნობს მათ დამოუკიდებლობას. ჩვენ ვნახეთ კონგრესის მხრიდან ძალიან მტკიცე გზავნილი შარშან, როდესაც წარმომადგენელთა პალატამ ერთხმად დაუჭირა მხარი საქართველოს მხარდამჭერ აქტს, რომელიც გულისხმობს საქართველოს ტერიტორიული მთლიანობისადმი მტკიცე მხარდაჭერას, ასევე სანქციებს აწესებს იმ პირებზე, რომლებიც ოკუპირებულ რეგიონებში ადამიანის უფლებების უხეშ დარღვევებში არიან მხილებულნი. იმედი გვაქვს, რომ სენატი ბოლომდე მიიყვანს ამ კანონმდებლობას და დაამტკიცებს მიმდინარე წელს,“ – აცხადებს დავით ბაქრაძე.
