„ყველა ეს ახალი გარემოებები აზერბაიჯანის საგარეო საქმეთა მინისტრისთვის საქართველოს საგარეო სამინისტროსგან ცნობილი გახდა 24 სექტემბერს“,- ამის შესახებ „ქართული ოცნება -დემოკრატიულის საქართველოს“ საარჩევნო სიის პირველი ოცეულის წევრმა, ნიკოლოზ სამხარაძემ განაცხადა.

მისი თქმით, ყარაბაღში საომარი მოქმედებები დაიწყო 27 სექტემბერს და აქედან გამომდინარე, ამ ორი ფაქტირს ერთმანეთთან დაკავშირება წმინდა წყლის სპეკულაციაა.

,,მინდა გაგახსენოთ, რომ საომარი მოქმედებები ყარაბაღში  27 სექტემბერს დაიწყო, ხოლო საქართველოს აზერბაიჯანის საგარეო საქმეთა მინისტრი სტუმრობდა 24 სექტემბერს ანუ სამი დღით ადრე და შესაბამისად, ყველა ეს ახალი გარემოება აზერბაიჯანის საგარეო საქმეთა მინისტრისთვის , საქართველოს საგარეო სამინისტროსგან ცნობილი გახდა 24 სექტემბერს.  ჩვენ ვერანაირად ვერ გვეცოდინებოდა, რომ 27 სექტემბერს ყარაბაღში  საომარი მოქმედებები დაიწყებოდა, აქედან გამომდინარე ამ ორი ფაქტის ერთმანეთთან მიბმა და ორი ფაქტის ერთმანეთთან დაკავშირება არის წმინდა წყლის სპეკულაცია”,- განაცხადა ნიკოლოზ სამხარაძემ.