ნიკანორ მელიას თუ სურს გირაოს გადახდა, მაშინ რატომ ელოდება ევროკავშირის ფულს, ეს გაუგებარია, – ამის შესახებ საპარლამენტო უმრავლესობის წევრმა, დეპუტატმა დავით მათიკაშვილმა განაცხადა.
დავით მათიკაშვილის თქმით, ოპზიციის მიერ მოწყობილი დესტრუქცია დასრულებულია.ხოლო საპარლამენტო საქმიანობის კარი ღიაა.
„რეალურად საქმე შემდეგშია – საპარლამენტო საქმიანობის კარი არის ღია, დესტრუქციის დრო არის დასრულებული და საზოგადოებამ კარგად დაინახა, რომ დესტრუქცია მარცხით დასრულდა. ერთადერთი სწორი გამოსავალია ის, რაც დღეს პარლამენტში ხდება – საპარლამენტო მუშაობის განახლება, მეტი პარტია პარლამენტში ის, რაც იყო „ქართული ოცნების“ სურვილი, როცა ჩვენ ერთპროცენტიან ბარიერს ვქმნიდით, რომ პარლამენტი ყოფილიყო მულტიპარტიული“, – განაცხადა დავით მათიკაშვილმა.
