მოლაპარაკებებზე ჯერჯერობით რამე კონკრეტული თარიღი დასახელებული არ არის, – ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა.
მისივე თქმით, „პატრიოტთა ალიანსის“ რამდენიმე წევრის პარლამენტში შესვლით არაფერი შეცვლილა.
„ჩვენ ვფიქრობთ, რომ ახლა არის „ქართული ოცნების“ დრო, კომპრომისული სივრცე, რომელიც არსებობდა მათ შორის ჩვენი წინადადებებით, გამოიყენოს. პასუხისმგებლობა აქვს უფრო დიდი „ქართულ ოცნებას“ და მათ შორის, მანევრირების სივრცეც უფრო დიდი აქვს. მაგრამ სამწუხაროდ, რაღაც კონკრეტული წინადადებები არ გვსმენია. რაუნდი რაუნდისთვის არ უნდა შედგეს, უნდა იყოს იმისთვის, რომ ქვეყანა გამოვიყვანოთ პოლიტიკური კრიზისიდან,“ – განაცხადა დეკანოიძემ.
