ევროკავშირისა და აშშ-ს ელჩებთან შეხვედრა დასრულდა. ამ შეხვედრის შემდეგ, მედიასთან გირჩის ლიდერმა, ზურა ჯაფარიძემ ისაუბრა.
ის დიალოგის დეტალებს არ აცხადებს, თუმცა ამბობს, რომ კიდევ ერთი შეხვედრა დაიგეგმა.
“პირველი შეხვედრა იყო, მადლობა ევროკავშირის და აშშ-ს ელჩებს, მათი ფასილიტაციით შედგა ეს შეხვედრა. დეტალებზე ვერ ვისაუბრებ, მაგრამ მათ ჩვენი ხედვა გავაცანით, როგორ ვაფასებთ საპარლამენტო არჩევნებს, ჩვენი პოზიცია იყო ის, რაზეც საჯაროდ ვსაუბრობთ. ხოლო ხელისუფლების პოზიცია იყო ის, როგორც ისინი აფასებენ.
შევთანხმდით კიდევ ერთ შეხვედრაზე, დრო და ადგილი ჯერჯერობით დაზუსტებული არ არის.
ყველა ვთვლით, რომ ქვეყანაში არის პოლიტიკური კრიზისი, რომელიც უნდა განიმუხტოს და რაღაც ტიპის პოლიტიკური შეთანხმებაა მისაღწევია. ასეთი ატმოსფეროა. კონკრეტულად, სადამდე მივა პროცესი დრო გვიჩვენებს.
ჯერჯერობით ოპოზიციის გეგმები ისე გრძელდება, როგორც აქამდე იყო. დეტალებზე საუბრით შესაძლოა დავაზიანო მოლაპარაკებების პროცესი, რასაც არ გავაკეთებ.” – ამბობს ზურა ჯაფარიძე.
