დევნილთა, ეკომიგრანტთა და საარსებო წყაროებით უზრუნველყოფის სააგენტო სტიქიური მოვლენების შედეგად დაზარალებულ კიდევ 48 ოჯახს სახლს შეუსყიდის.

სააგენტოს დირექტორის, ბესარიონ სიმონიშვილის განცხადებით, სტიქიური მოვლენების შედეგად დაზარალებულ ოჯახებს უკვე შეუძლიათ ცვლილებით ისარგებლონ.

“საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანების საფუძველზე განხორციელებული ცვლილებების თანახმად, სახლის შესყიდვის მიზნით, თითოეული ოჯახისთვის გამოყოფილი თანხა 25 000 ლარიდან 30 000 ლარამდე გავზარდეთ.

სტიქიური მოვლენების შედეგად დაზარალებულ ოჯახებს უკვე შეუძლიათ ამ სასიკეთო ცვლილებით ისარგებლონ”, – თქვა მან.

პროექტის ფარგლებში, გამოყოფილი თანხა 25 000 ლარიდან 30 000 ლარამდე გაიზარდა. 48 ოჯახს, საქართველოს ნებისმიერ რეგიონში, საცხოვრებელი ფართის შერჩევისთვის ერთთვიანი ვადა ეძლევა.