დღეიდან „ჯორჯიან უოთერ ენდ ფაუერი“ ზღუდავს სერვის ცენტრებში ვიზიტს. მოსახლეობისა და თანამშრომლების უსაფრთხოების მიზნით კომპანია მომხმარებლებს დისტანციურ რეჟიმში მოემსახურება.
კომპანიის ინფორმაციით, „ჯორჯიან უოთერ ენდ ფაუერის“ მომხმარებლებს თბილისისა და მცხეთის სერვის ცენტრებში ვიზიტის ნაცვლად ნებისმიერი განცხადებისა და დოკუმენტაციის გაგზავნა შეეძლებათ კომპანიის ელექტრონულ ფოსტაზე online@gwp.ge. განაცხადის დარეგისტრირებისა და პროცესის დასრულების შემდეგ მომხმარებელი კომპანიის პასუხს ასევე ელექტრონული ფოსტით მიიღებს.
დისტანციური მომსახურების შესახებ დეტალური ინფორმაცია განთავსებულია კომპანიის ვებ-გვერდზე www.gwp.ge, დამატებითი ინფორმაციის მისაღებად დაგვიკავშირდით ცხელი ხაზის – 2 931111 და ონლაინ ჩათის მეშვეობით.
