ოპოზიციური პარტიების ნაწილის პროტესტს „ქართულ ოცნებაში“ ეხმაურებიან. მმართველ გუნდში აცხადებენ, რომ ოპონენტების მოთხოვნა, მიხეილ სააკაშვილის საქალაქო კლინიკაში გადაყვანაზე და რიგგარეშე არჩევნების დანიშვნაზე, დესტრუქციულია.
„რა თქმა უნდა, ჩვენ ვხედავთ, რომ „ნაციონალური მოძრაობა“ აგრძელებს დესტრუქციას. ეს დესტრუქცია, რა თქმა უნდა, წარუმატებელი არის და მომავალშიც ასე იქნება. აღარ დავმალავ და ვიტყვი, რომ ეს უკვე მომაბეზრებელია. დიდი იმედი მაქვს, რომ თავად „ნაციონალური მოძრაობა“, მიუხედავად იმისა რომ სასოწარკვეთილია, მალე მოეგება გონს და მისცემს ამ ქვეყანას მშვიდად ცხოვრების საშუალებას“, – აცხადებს ვიცე-პრემიერი თეა წულუკიანი.
