დიღმის შემდეგ საველე ჰოსპიტალი სამგორში, ტექნიკური გადამზადების ცენტრში მოეწყო.
თავდაცვის სამინისტრომ ჯანდაცვის უწყებას ასეულობით საწოლი გადასცა და მზადყოფნა გამოთქვა საჭიროების შემთხვევაში, “დელტას” ბაზაზე ყოველთვიურად დამატებით ათასამდე საწოლი დაამზადოს.
„შეიქმნა ორ ლოკაციაზე – დიღომსა და სამგორში. აღნიშნული ლოკაციები გამოყენებული იქნება კოვიდინფიცირებული პაციენტებისათვის. ისინი უშუალოდ სამხედრო ექიმების ზედამხედველობის ქვეშ იქნებიან,”- აცხადებს სამხედრო ექიმი ნანა კინწურაშვილი.
ამ ეტაპზე, დიღმის საველე ჰოსპიტალში 120 საწოლია მობილიზებული.
ცნობისთვის, დღეს ქვეყანაში კორონავირუსის ყველაზე მეტი, 6 208 ახალი შემთხვევა დაფიქსირდა. დადბითობის დღიური მაჩვენებელი კი 12.97%-ია.
