თეა წულუკიანმა ვერ გაბედა თავისი ტელეფონის ნომრის დასახელება, აბა გაბედოს, რათ მინდა გვარამიას ტელეფონის ნომერს რომ ამბობს, ნიკას ნომერი ისედაც ვიცი, – ამის შესახებ პარლამენტის წევრმა ალეკო ელისაშვილმა განაცხადა.
„ჩვენ ყველას ვპირდებოდით, რომ პარლამენტში შესვლის შემდეგ ისევ მექნებოდა ტელეფონი ჩართული და ვუპასუხებდი. ამ რეჟიმში ვაპირებთ საქმიანობას ჩვენი არსებობის განმავლობაში. ყოველთვის გვექნება პირდაპირი კომუნიკაცია ხალხთან. კი, თეა წულუკიანმა ვერ გაბედა თავისი ტელეფონის ნომრის დასახელება, აბა გაბედოს, რათ მინდა გვარამიას ტელეფონის ნომერს რომ ამბობს, ნიკას ნომერი ისედაც ვიცი. აი ეს არის, რომ „ქართული ოცნება“ მოწყვეტილია ხალხს და ამის სათქმელად ვართ შემოსულები აქ, ხალხის სათქმელის გამხმოვანებლები ვიყოთ და მათი პრობლემები ისმოდეს ამ დარბაზში.
რაღაც ცინიკური გადაძახილები კი არ იყოს როგორც დღეს, არამედ ხალხის პრობლემებზე ვისაუბროთ. ვერასდროს გაიგებ ხალხის პრობლემას, თუ საკუთარი ტელეფონის ნომერს არ გამოაცხადებ. ეყოთ გამბედაობა და გამოაცხადონ თავიანთი ნომრები.
ჩვენ აქ ვართ ხალხის სამსახურისთვის და უკეთესი საქართველოსთვის. აწი ნახეთ კრიტიკა ჩვენგან. ვისაც ჰგონია, რომ მართლა „ქართულ ოცნებასთან“ ვართ შეკრულები, ღმერთმა ხელი მოგიმართოთ, მაგრამ ამას ყოველი დღე გამოავლენს. ჩვენ ჩვენი გადაწყვეტილება მივიღეთ დამოუკიდებლად. ჩვენ აქ ვართ იმისთვის რომ „ქართულ ოცნებას“ ნებისმიერ დროს მივუთითოთ შეცდომებზე, დანაშაულზე და ამით ეს ქვეყანა წინ წავიყვანოთ“, – განაცხადა ალეკო ელისაშვილმა.
თეა წულუკიანმა პარლამენტის პლენარულ სხდომაზე ნიკა გვარამიას ნომერი გამოაცხადა – დეპუტატმა მიზეზიც განმარტა (ვიდეო)
