საფრანგეთის პრეზიდენტი ემანუელ მაკრონი ევროკავშირსა და აშშ-ს მოუწოდებს, თავიანთი ვაქცინების 4-5% სასწრაფოდ გაუგზავნონ განვითარებად ქვეყნებს. ამის შესახებ პრეზიდენტმა უცხორ მედიასთან ინტერვიუს დროს განაცხადა.
„ჩვენ არ ვსაუბრობთ მილიარდობით დოზის ან მილიარდობით ევროს დაუყოვნებლივ გამოყოფაზე. საქმე ეხება იმ დოზების 4-5% სწრაფად გამოყოფას, რომელიც ჩვენ გვაქვს. ეს არ შეცვლის ჩვენს ვაქცინაციის კამპანიებს. თითოეულმა ქვეყანამ უნდა გამოყოს კუთვნილი დოზების მცირე რაოდენობა, მაგრამ ძალიან სწრაფად“,- განაცხადა ემანუელ მაკრონმა.
მაკრონი ამბობს, რომ ვაქცინების მწარმოებელმა ფარმაცევტულმა კომპანიებმა ამ ინიციატივას და უცხოეთში ვაქცინების გატანას ხელი უნდა შეუწყონ. მისივე თქმით, ყველაფერი უნდა გაკეთდეს იმისთვის, რომ ფასები გამჭვირვალე იყოს.
მისივე თქმით, თუ ვაქცინების სამართლიანად განაწილება ვერ მოხერხდა, ეს ხელს შეუწყობს გლობალური უთანასწორობის გამყარებას.
