მიუხედავად იმისა რომ ბოკერიამ „ნაციონალურ მოძრაობას“ უღალატა, არ უღალატა იმ ერთაზროვნების დიქტატის პრინციპს, რომელიც წინა მთავრობის დროს თვითონვე შექმნა – ასე გამოეხმაურა ანა დოლიძე ოპოზიციის მიერ გერმანიის ელჩთან დაკავშირებით გაკეთებულ განცხადებებს.
„გერმანიის ელჩზე ორგანიზებული თავდასხმა გიგა ბოკერიას მეთაურობით მიმაჩნია სრულიად მიუღებლად. მორიგი დადასტურება რომ ამ ხალხისთვის მხოლოდ ის აზრია მისაღები და “ევროპული” რომელიც საკუთარს ემთხვევა.
ყველა სხვა, ვისაც შეიძლება განსხვავებული აზრი ქონდეს, ალეკო ელისაშვილიდან დაწყებული გერმანიის ელჩით დამთავრებული, ჯგუფურ ბულინგში მოყვება.
მიუხედავად იმისა რომ ბოკერიამ ნაციონალურ მოძრაობას უღალატა, არ უღალატა იმ ერთაზროვნების დიქტატის პრინციპს, რომელიც წინა მთავრობის დროს თვითონვე შექმნა და რომელსაც მერე თვითონვე გაემიჯნა“, – წერს ანა დოლიძე „ფეისბუქის“ საკუთარ გვერდზე.
შეგახსენებთ, გერმანიის ელჩის განცხადებას ოპოზიციის მხრიდან მწვავე კრიტიკა მოჰყვა.
გერმანიის ელჩმა ჰუბერტ ქნირშმა თქვა, რომ 8 მარტის შეთანხმებაში გიორგი რურუა ნახსენები არ ყოფილა. ეს განაცხადი მან 26 ივნისს ინტერპრესნიუსის ჟურნალისტის კითხვის პასუხად გააკეთა, სადაც ასევე ისაუბრა იმაზეც, რომ შეთანხმების იმპლემენტაციისთვის ორშაბათი, ანუ საკონსტიტუციო ცვლილებების მესამე მოსმენა გადამწყვეტი იქნება.
დაგაინტერესებთ:
- ვუსამძიმრებ ბატონ ჰუბერტს, თარგმანში დაკარგულს ჰგავს! – გიგა ბოკერია გერმანიის ელჩს აკრიტიკებს
- შალვა ნათელაშვილი გერმანიის ელჩის გაწვევას ითხოვს
- „ნაციონალური მოძრაობა“ ნათელაშვილის მოწოდებას ემიჯნება
- გერმანიის ელჩზე შეტევა ძველი ოპოზიციის უხეში შეცდომაა – თალაკვაძე
- ბოკერია, მისი მეუღლე და სხვა „ნაციონალები“ არიან უკიდურესად გაღიზიანებულები – ირაკლი კობახიძე
