„მან დაიპყრო პლანეტა და ჯერ კიდევ არ დასრულებულა“, – როგორც CNN-ი უწყება, ამის შესახებ აშშ-ის მთავარმა ეპიდემიოლოგმა საერთაშორისო კონვენციაზე სიტყვით გამოსვლისას განაცხადა.
აშშ-ის ალერგიისა და ინფექციური დაავადებების ეროვნული ინსტიტუტის დირექტორი, ექიმი ენტონი ფაუჩი ამბობს, რომ კორონავირუსი მისი ყველაზე საშინელი ღამის კოშმარია.
„ებოლა საშიში იყო, თუმცა ებოლა არასდროს გადაეცემა მარტივად“,- აღნიშნა ფაუჩიმ.
ექიმის თქმით, წარსულში როდესაც მას ეკითხებოდნენ, თუ როგორი იქნებოდა დაავადება, რომელიც მისი ყველაზე საშინელი კოშმარი იქნება, ის ხშირად აღწერდა ახალ რესპირატორულ ინფექციას, რომელიც ადამიანებში ცხოველებიდან გავრცელდებოდა და ექნებოდა გადაცემის ძალიან მაღალი ხარისხი.
ფაუჩის თქმით, მსოფლიომ იხილა არაერთი ეპიდემია, რომელსაც ამ დახასიათებიდან ზოგიერთი ნიშანი გააჩნია. თუმცა, COVID-19-ს ყველა ეს მახასიათებელი ერთად გააჩნია.
„ახლა ჩვენ გვაქვს საქმე იმასთან, რაც ჩემი ყველაზე საშინელი ღამის კოშმარი აღმოჩნდა. ოთხთვიან პერიოდში მან გაანადგურა მსოფლიო“, – აღნიშნა ფაუჩიმ.
