ეპიდვითარება დასტაბილურებულია, მაგრამ ერთეულ შემთხვევებზე არ ჩამოვა, რადგან ბოლო კვლევები აჩვენებს, რომ სოციალური დისტანცია პრაქტიკულად ნულია, მობილობის შეზღუდვა არ არსებობს საქართველოში, – ამის შესახებ ალერგოლოგ-იმუნოლოგმა, ბიძინა კულუმბეგოვმა განაცხადა.
„500-დან 1000-მდე შემთხვევების რაოდენობა ალბათ მთელი ზაფხულის განმავლობაში იქნება, თუმცა ამას ასე ვთქვათ ჩვენ უნდა დავასწროთ, ვაქცინაციის აქტიური რიცხვით, ივლისი, აგვისტო, სექტემბერი, თუ ამ პერიოდში მილიონ ნახევარი ადამიანი მაინც გვეყოლება ერთჯერადად აცრილი, ეს მეოთხე ტალღის პრევენციას გააკეთებს. ჯერ ეს შემთხვევები გახსნილი ქვეყნისა და ეკონომიკის პირობებში ასე იქნება დიდი ხანი, მეტ კლებას არ უნდა ველოდოთ“, – განაცხადა კულუმბეგოვმა.
