“ნებისმიერი დოკუმენტი, რომელიც მედიატორმა ან საერთაშორისო ორგანიზაციამ შემოგვთავაზა, არ არის ვერდიქტი ან საბოლოო გადაწყვეტილება. ეს იყო ვერსია, რომელიც მედიატორმა შემოგვთავაზა, რათა გაგრძელებულიყო მუშაობა საბოლოო შეთანხმებამდე, – ამის შესახებ „ევროპული საქართველოს“ პოლიტსაბჭოს თავმჯდომარემ, გიგი წერეთელმა ჟურნალისტებს ლეიბორისტული პარტიის ოფისში ოპოზიციური პარტიების წარმომადგენლების შეხვედრის დაწყებამდე განუცხადა.
„პირველი – არ არის ნათელი, როგორ ხდება პოლიტიკური პატიმრების გათავისუფლება და პოლიტიკური მართლმსაჯულების დასრულება. მეორე – ჩვენ მიგვაჩნია, რომ ახალი არჩევნების მიბმა ადგილობრივი არჩევნების შედეგებზე არის უსაფუძვლო და ალოგიკური. ამიტომ ჩვენ ვთვლით, რომ უნდა გაგრძელდეს ამ საკითხებზე მსჯელობა. ნებისმიერი დოკუმენტი, რომელიც მედიატორმა ან საერთაშორისო ორგანიზაციამ შემოგვთავაზა, არ არის ვერდიქტი ან საბოლოო გადაწყვეტილება. ეს იყო ვერსია, რომელიც მედიატორმა შემოგვთავაზა, რათა გაგრძელებულიყო მუშაობა საბოლოო შეთანხმებამდე“, – განაცხადა წერეთელმა.
16 აპრილს „ქართული ოცნების“ ოფისში გამართულ ბრიფინგზე არჩილ თალაკვაძემ განაცხადა, რომ მმართველმა პარტიამ შარლ მიშელის ეგიდით შექმნილი დოკუმენტის ხელმოწერის გადაწყვეტილება მიიღო.
