ესპანეთსა და საფრანგეთში კორონავირუსით ინფიცირებულთა რიცხვმა მილიონს გადააჭარბა. ინფორმაციას euronews-ი ავრცელებს.
ჯონ ჰოპკინსის უნივერსიტეტის მონაცემებით, ესპანეთში კორონავირუსის 1,005,295 შემთხვევაა გამოვლენილი. საფრანგეთში კი 1,000,369.
ექსპერტები ვარაუდობენ, რომ ესპანეთში, ისევე როგორც ყველა სხვა ქვეყანაში, არასაკმარისი ტესტირებებისა და ვირუსის უსიმპტომოდ მიმდინარეობის გამო, გარდაცვლილთა და ინფიცირებულთა რეალური რიცხვი გაცილებით მაღალი უნდა იყოს.
