თბილისის მერმა სიღნაღში მაჟორიტარობის კანდიდატის, დავით სონღულაშვილის წარდგენის დროს საქართველოს ევროპულ ოჯახში გაწევრიანების პერსპექტივაზე ისაუბრა.
„ჩვენი ხელისუფლების მიზანი ევროპულ ოჯახში ღირსეული ადგილის დამკვიდრებაა, ევროპა კი ქრისტიანულ ღირებულებებზე დაფუძნებული, ძლიერი ეკონომიკის მქონე ერთობაა, რომელიც მისი წევრი სახელმწიფოების თითოეულ მოქალაქეზე ზრუნავს. ჩვენი მიზანიც სწორედ ეს არის, განვავითაროთ ჩვენი სახელმწიფო, ჩვენი ეკონომიკა და სრულფასოვნად დავუბრუნდეთ იმ სივრცეს, რომელშიც საქართველო ბუნებრივად იმყოფება“,- განაცხადა კალაძემ.
