კორონავირუსის შემთხვევების მატების გამო ევროპის მასშტაბით ახალი შეზღუდვები წესდება. ინფორმაციას BBC-ი ავრცელებს.

• გერმანიის დედაქალაქ ბერლინში რესტორნებისა და ბარებისთვის კომენდანტის საათი დაწესდება – 23:00 საათიდან 06:00 საათამდე ყველა რესტორანი და ბარი დახურება.
• იტალიის პრემიერ-მინისტრის ჯუზეპე კონტეს გადაწყვეტილებით, ხვალიდან ქვეყანაში ქუჩაში გასვლის დროს მოქალაქეები ვალდებულები იქნებიან პირბადე ატარონ.
• პარიზში ინტენსიური თერაპიის განყოფილებაში არსებული საწოლების 40%ი შევსებულია. ჯანდაცვის წარმომადგენლები პროგნოზირებენ, რომ აღნიშნული რიცხვი ოქტომბრის ბოლოსთვის 100%-ს მიაღწევს.
• 9 ოქტომბრიდან ბელგიაში ოჯახის წევრების გარდა 3 ადამიანზე მეტის შეკრება აიკრძალება.
• რესტორნებისა და ბარების ადრე დახურვაზე ფინეთში იმსჯელებენ.
• ჩეხეთის რესპუბლიკაში, გუშინ კორონავირუსის რეკორდული – 4 457 ახალი შემთხვევა (13 გარდაცვალება) დაფიქსირდა, რის გამოც ქვეყნის ხელისუფლება რეგულაციების თავიდან დაწესებას აპირებს.