ევროპული საბჭოს საპარლამენტო ასამბლეის პრეზიდენტი, რიკ დაემსი ოფიციალური ვიზიტით საქართველოს 27-28 ივლის ეწვევა.
დიპლომატი სამუშაო შეხვედრებს პრემიერ-მინისტრთან, ირაკლი ღარიბაშვილთან, პარლამენტის თავმჯდომარე კახა კუჭავასთან, საგარეო საქმეთა მინისტრ დავით ზალკალიანთან, შინაგან საქმეთა მინისტრ ვახტანგ გომელაურთან და იუსტიციის მინისტრთან, რატი ბრეგაძესთან გამართავს.
ევროპული საბჭოს საპარლამენტო ასამბლეის პრეზიდენტის შეხვედრები ასევე დაგეგმილი აქვს ადამიანის უფლებათა დაცვისა და სამოქალაქო ინტეგრაციის კომიტეტის, მუდმივმოქმედი პარლამენტის გენდერული თანასწორობის საბჭოს თავმჯდომარეებთან და საპარლამენტო ასამბლეაში საქართველოს საპარლამენტო დელეგაციის წევრებთან.
