„ევროპული საქართველოს“ ერთ-ერთი ლიდერის ირაკლი აბესაძის განცხადებით, „ევროპული საქართველოს“ საარჩევნო სიის პირველი ნომერი დავით ბაქრაძე იქნება.
„ევროპული საქართველო“ საბოლოო საპარლამენტო სიის დაკომპლექტებისთვის კვლავ გამოიყენებს შიდაპარტიული კონკურენციის ძალიან გამჭვირვალე წესებს, სადაც როგორც მოქმედი პოლიტიკოსები, ისე ახალი სახეები გაინაწილებენ საარჩევნო ოლქებს და კონკრეტულ საარჩევნო ოლქში მიღებული საარჩევნო ხმებიდან გამომდინარე პარლამენტში მანდატს მიიღებენ, ანუ, ვინც უფრო მეტად დააჯერებს ამომრჩეველს და უფრო მეტ ხმას მოუტანს „ევროპულ საქართველოს“. რაც შეეხება სიის პირველ ნომერს, ის კვლავ იქნება დავით ბაქრაძე, ხოლო დანარჩენი ადგილები განაწილდება შიდაკონკურენციის წესების შესაბამისად“, – განაცხადა ირაკლი აბესაძემ.
2020 წლის საპარლამენტო არჩევნები 31 ოქტომბერს უნდა ჩატარდეს.
