ევროსაბჭო ბელარუსის საკითხზე 19 აგვისტოს საგანგებო სხდომას გამართავს. ამის შესახებ ევროსაბჭოს პრეზიდენტი, შარლ მიშელი სოციალურ ქსელ Twitter-ზე წერს.
„ბელარუსში არსებული სიტუაციის განსახილველად ოთხშაბათისთვის ევროსაბჭოს წევრები შეხვედრაზე მოვიწვიე. ბელარუს ხალხს აქვს უფლება, თავად გადაწყვიტოს საკუთარი მომავალი და თავისუფლად აირჩიოს ლიდერი. ძალადობა დემონსტრანტების წინააღმდეგ მიუღებელია და არ შეიძლება, დავუშვათ“, – წერს შარლ მიშელი.
I will call a meeting of the members of the European Council this Wednesday 12h00 to discuss the situation in #Belarus
The people of Belarus have the right to decide on their future and freely elect their leader
Violence against protesters is unacceptable and cannot be allowed
— Charles Michel (@eucopresident) August 17, 2020
შეგახსენებთ, რომ ბელარუსში ლუკაშენკოს გადადგომას და საპრეზიდენტო არჩევნების შედეგების გადახედვას უკვე კვირაზე მეტია ითხოვენ.











