იგეგმება რამდენიმე ახალი, მცირე ზომის დახურული ტიპის თანამედროვე ევროპული სტანდარტების შესაბამისი პენიტენციური დაწესებულების მშენებლობა, – ამის შესახებ იუსტიციის მინისტრმა გოჩა ლორთქიფანიძემ იუსტიციის სამინისტროს მუშაობის წლიური ანგარიშის პრეზენტაციისას განაცხადა.
„საბოლოოდ, ჩვენ გადავდივართ ახლებური ტიპის ინფრასტრუქტურულ წყობაზე. უარს ვეუბნებით ე.წ. ზონური ტიპის წყობას“,-განაცხადა ლორთქიფანიძემ.
გოჩა ლორთქიფანიძემ მსჯავრდებულთა დასაქმების პროგრამებზეც ისაუბრა და აღნიშნა, რომ მათ რაოდენობა გაიზარდა.
„განსაკუთრებით მნიშვნელოვანია, რომ გაიზარდა მსჯავრდებულთა დასაქმების პროგრამები. ბოლო მონაცემებით 1000-მდე მსჯავრდებული გვყავს, რომელიც დასაქმებულია. დასაქმების პროგრამებს ძალიან დიდ მნიშვნელობა აქვს მათი რესოციალიზაცია რეაბილიტაციის თვალსაზრისით. ეს მიმართულება პენიტენციურ სისტემაში კვლავაც გაგრძელდება“,-განაცხადა ლორთქიფანიძემ.
