სანამ მსოფლიოში ვირუსი ცირკულირებას განაგრძობს, გლობალური გამოჯანმრთელების პროცესი უფრო მეტად გახანგძლივდება,- ამის შესახებ ჯანმოს გენერალურმა დირექტორმა, ტედროს ადჰანომ გებრეიესუსმა განაცხადა.
„ვაქცინების უთანასწორო გადანაწილება მხოლოდ მორალური კატასტროფა არ არის, ის ეკონომიკურად და ეპიდემიოლოგიურადაც დამაზიანებელია. რაც უფრო მეტად გავრცელდება ვირუსი, მით უფრო მეტი ახალი შტამი წარმოიშობა. ხოლო, ახალი ვარიანტების წარმოქმნამ, შესაძლოა, ეფექტურობას ხელი შეუშალოს. სანამ მსოფლიოში ვირუსი ცირკულირებას განაგრძობს, გლობალური გამოჯანმრთელების პროცესი უფრო მეტად გახანგძლივდება. წარსულის შეცდომებს ვერ გავიმეორებთ. 40 წლის წინ, როცა აივ-ინფექციის შემთხვევები დაფიქსირდა, ანტირეტროვირუსული საშუალებები მალევე შეიქმნა, თუმცა წლები დასჭირდა, სანამ ის მსოფლიოს ღარიბ მოსახლეობამდე მივიდოდა“,- განაცხადა ჯანმოს ხელმძღვანელმა.
