„ჯერჯერობით სრულად ვაქცინირებულ, ჯანმრთელ ადამიანებში ბუსტერი დოზების ფართო გამოყენებას არ განვიხილავთ“, – ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა.

„კორონავირუსის საწინააღმდეგო ვაქცინის მესამე ე.წ. ბუსტერი დოზა მაღალი რისკის ქვეშ მყოფი ადამიანებისთვის შეიძლება გახდეს საჭირო, როდესაც მძიმე დაავადებისა და სიკვდილის წინააღმდეგ იმუნიტეტის შემცირების მტკიცებულება არსებობს. მაგალითად, დაქვეითებული იმუნიტეტის მქონე ადამიანების მცირე ჯგუფი, რომელთა რეაქცია საწყის დოზებზე საკმარისი არ იყო, ან უკვე აღარ წარმოექმნებათ ანტისხეულები.

თუმცა, ჯერჯერობით სრულად ვაქცინირებულ, ჯანმრთელ ადამიანებში ბუსტერი დოზების ფართო გამოყენებას არ განვიხილავთ“, – განაცხადა გებრეიესუსმა.

"3rd dose may be necessary for at most risk ppl, where there's evidence of waning immunity against severe #COVID19 disease & death – such as the small group of immunocompromised ppl who didn't respond sufficiently to initial doses, or are no longer producing antibodies"-@DrTedros

— World Health Organization (WHO) (@WHO) September 1, 2021