Microsoft-ის დამფუძნებლის, ბილ გეიტსის განცხადებით, საუკეთესო სცენარის შემთხვევაში ღარიბი ქვეყნები კორონავირუსის ვაქცინას მდიდარ ქვეყნებზე 6-8 თვით გვიან მიიღებენ.
ამის შესახებ ინფორმაციას Reuters-ი ავრცელებს.
გეიტსის თქმით, ვაქცინების განაწილება ურთულესი პრობლემა. საერთაშორისო ინსტიტუტები, ქვეყნების მთავრობები და წამლების მწარმოებელი კომპანიები ზეწოლის ქვეშ არიან.
„ყველა პოლიტიკოსზე ხორციელდება ზეწოლა, რათა აიძულონ, რომ მათმა ქვეყანამ ვაქცინების რიგში წინ წაიწიოს“, – განაცხადა გეიტსმა.
ცნობისთვის, ბილ და მელინდა გეიტსების ფონდმა პანდემიასთან ბრძოლის ფონდში 1,75 მილიარდი დოლარი გადარიცხა.
