„გიდასტურებთ, კახა კალაძის კანდიდატურაც განიხილება მათ შორის“ – ამის შესახებ საპარლამენტო უმრავლესობის წევრმა გია ვოლსკიმ, თბილისის მერობის შესაძლო კანდიდატებზე საუბრისას განაცხადა.
ვოლსკის განცხადებით, მეტი დეტალი მედიისა და საზოგადოებისთვის მოგვიანებით გახდება ცნობილი.
„უმრავლესობაში, რასაკვირველია, მიდის მსჯელობა. გიდასტურებთ, კახა კალაძის კანდიდატურაც განიხილება მათ შორის. თუმცა, კიდევ ერთხელ ხაზს ვუსვამ, რომ ამ თემასთან დაკავშირებით ვრცელი კომენტარები და განცხადებები გვექნება უმოკლეს პერიოდში, როდესაც გუნდის ყველა წევრი იქნება შეთანხმებული, ავწონ-დავწონით სიტუაციას, შევაფასებთ შექმნილ ვითარებას“, – აცხადებს გია ვოლსკი.
