„მოქალაქეების“ ლიდერი ალეკო ელისაშვილი ამბობს, რომ დაუმორჩილებლობა მთელი ღამე გაგრძელდება. ამის შესახებ ელისაშვილმა TV პირველის ეთერში ისაუბრა.
„ჩვენ თუ ახლა უკან დავიხევთ, ჩვენ დავკარგავთ საქართველოს, შესაბამისად, გინდა წყლის ჭავლი გვასხან, გინდა გვირტყან, საქართველოს არ დავთმობთ, სანამ აქ არ ჩამოვა ის ქალბატონი (თამარ ჟვანია) და არ იტყვის რომ გადადგა, ეს ყველაფერი მთელი ღამე გაგრძელდება.
ჯარი კი ნუ დაგვახვედრეს, თამარ ჟვანია დაგვახვედრონ, რომელიც იტყვის, რომ მოიჭრა თავი საქართველოს წინაშე და მოიპარა არჩევანი და გადადგეს, სხვაგვარად არაფერი დაწყნარდება.
ყველაფერს ვაპირებთ, სანამ არ იტყვიან, რომ არჩევნები გაყალბდა”, – განაცხადა ელისაშვილმა.
ცესკოსთან პოლიციამ მომიტინგეების მისამართით წყლის ჭავლი გამოიყენა.
კადრებში ჩანს, რომ აქციის მონაწილეები ცესკოს შენობის წინ ჯებირების მორღვევას და შესვლას ცდილობენ, სიტუაცია კიდევ უფრო დაიძაბა, როცა ადგილზე სპეცრაზმი გამოჩნდა და მათი დაშლა დაიწყო.
