შევეცდებით, რომ სხვა პროდასავლურ ოპოზიციურ პარტიებთან ერთად შევქმნათ ის მძლავრი მიზიდულობის ცენტრი, რომელიც გასაღებია ქვეყნის განვითარების, – ამის შესახებ „სტრატეგია აღმაშენებლის” ლიდერმა, გიორგი ვაშაძემ განაცხადა.
ვაშაძის თქმით, ის არჩევნებზე „ნაციონალური მოძრაობის” კანდიდატს მხარს არ დაუჭერს.
“კონკრეტულად ვერ გეტყვით ახლა გეგმებს, იმიტომ, რომ მაქსიმალურად კონცენტრირებული ვართ შეთანხმების რეალიზებაზე, რაც ნიშნავს იმას, რომ თუ ეს შეთანხმება არ მოხდა, ჩვენ გვექნება ისევ გაყალბებული არჩევნები. პირველ რიგში, მექანიზმი უნდა შევქმნათ, რომ სამართლიანი არჩევნები ჩავატაროთ ქვეყანაში, რომ იმ რეფერენდუმზე, რომელზეც მივა ოქტომბერში ადამიანი, მისი ხმა იყოს დაცული.
ამის შემდგომ, ოპოზიციურ პარტიებთან აუცილებლად ვიმსჯელებთ, მაგრამ მე ჩემს ხედვას გეუბნებით — ნაციონალური მოძრაობის კანდიდატს, დიდი ალბათობით, ჩვენ მხარს არ დავუჭერთ და შევეცდებით, რომ სხვა პროდასავლურ ოპოზიციურ პარტიებთან ერთად შევქმნათ ის მძლავრი მიზიდულობის ცენტრი, რომელიც გასაღებია ქვეყნის განვითარების”, – განაცხადა გიორგი ვაშაძემ.
