გირაო გადახდილია, ველოდებით მელიას უმოკლეს ვადაში გათავისუფლებას, – ამის შესახებ „სტრატეგია აღმაშენებლის” ლიდერმა გიორგი ვაშაძემ განაცხადა.
ვაშაძის თქმით, მელიასთვის გირაოს გადახდა ევროპის საბჭოს პრეზიდენტის შარლ მიშელის დოკუმენტის შედეგია.
„მადლობა ჩვენს ევროპელ მეგობრებს უპრეცენდენტო ნაბიჯისთვის. გირაო გადახდილია, ველოდებით მელიას უმოკლეს ვადაში გათავისუფლებას. რაც მთავარია შარლ მიშელის ევროპული თანხმობის დოკუმენტის კიდევ ერთი შედეგი გვაქვს და ნაბიჯ-ნაბიჯ მივიწევთ წინ. იმედი მაქვს ყველანი ვკონცენტრირდებით ყველა პუნქტის რეალიზებისთვის” , – აცხადებს გიორგი ვაშაძე.
ცნობისთვის, საქართველოში ევროკავშირის წარმომადგენლობამ დღეს გაავრცელა ინფორმაცია, რომ ნიკა მელიას გირაოს თანხა, 40 ათასი ლარი გადახდილია.
