„მე არ ვაპირებ თანამშრომლობას იმ ადამიანებთან ერთად, რომლებიც უზრდელობენ, წითელ ხაზს გადადიან საუბარში და ტყუილებს საუბრობენ“,- ამის შესახებ „სტრატეგია აღმაშენებლის“ ლიდერმა, გიორგი ვაშაძემ ირაკლი ოქრუასვილზე საუბრისას „ღამის კურიერთან“ განაცხადა.
როგორც ვაშაძე ამბობს, ირაკლი ოქრუაშვილმა მასთან მიმართებაში ტყუილები იკადრა, რის გამოც მისგან ბოდიშის მოხდას ითხოვს.
„ჩვენ თანაგუნდელები არ ვართ, არც ვყოფილვართ და არც ვაპირებთ ასეთ ადამიანებთან ერთად ერთ გუნდში ყოფნას. ერთი მაგიდასთან ვისხედით იმ უფრო დიდი პრობლემის საწინააღმდეგოდ, რომელშიც ვიყავით. პირდაპირ ვამბობ, ასეთ ადამიანებთან არც არასდროს განვიხილავ თანაგუნდელობას. არის გარკვეული ტაქტიკური ნაბიჯები, რომელსაც ვდგამთ და თუ გააგრძელებენ მსგავს ქმედებებს, უნდა გადაწყვიტოს სხვა დანარჩენმა პოლიტიკურმა ძალებმა, ვისთან ითანამშრომლებენ.
დღეს ირაკლი ოქრუაშვილმა ჩემთან მიმართებაში ტყუილები იკადრა და ამ ტყუილებზე აუცილებლად ბოდიში უნდა მოიხადოს. ასეთ ადამიანებთან, რა თქმა უნდა, არ დავჯდები არასდროს არსად სასაუბროთ, მით უმეტეს მათი წარსულის გათვალისწინებით. ყველამ ყველას წარსული, აწმყო და მომავალი ნახოს“, – განაცხადა გიორგი ვაშაძემ.
