ევროპარლამენტარი ვიოლა ფონ კრამონის განცხადებით, ნიკა მელიასთვის გირაოს თანხის გადახდა უნდა მოხერხდეს, რის შემდეგაც ის გათავისუფლდება.
“ძალიან ბევრი ადამიანი საქართველოშიც არსებობს, რომელსაც აქვს 10 000 ევრო დაახლოებით და რომელიც გადაიხდიდა ამ გირაოს, ერთ-ერთმა ქართველმა ექიმმაც განაცხადა მგონი, მაგრამ ფაქტია, რომ თანხის გადახდა უნდა მოხერხდეს და ბატონ მელიას გამოუშვებებენ, მაგრამ ეს არ არის ერთადერთი პრობლემა ამ ქვეყანაში”, – განაცხადა ევროპარლამენტარმა.
შეგახსენებთ, რომ ნიკა მელიას სასამართლომ 40 000 ლარის ოდენობის გირაო შეუფარდა, რისი გადაუხდელობის გამოც ის დააპატიმრეს.
ოპოზიცია ნიკა მელიას დაუყონებლივ გათავისუფლებას ითხოვს და ამ პირობის შესრულების გარეშე ხელისუფლებასთან შეთანხმების მიღწევას გამორიცხავს.
