გლდანის ციხესთან გოგი წულაიას მხარდამჭერებმა მსვლელობა გამართეს.
როგორც მოძრაობა „სოლიდარობის“ წევრები აცხადებენ, „წულაია უნდა გაეთავისუფლებინათ. ამით არა მარტო ის, არამედ „მისი ოჯახიც გაანადგურეს“.
„ვიცით გოგი წულაია, როგორც გამოხატავს ემოციას, შეიძლება ვეთანხმებოდეთ, ან არ ვეთანხმებოდეთ, მაგრამ ერთადერთი, რაზეც იძალადა თავისი თავია, რადგან ძალიან მძიმე მდგომარეობაში იმყოფება, ოპერაცია აქვს გადატანილი. თავის გულს თუ ვნებს, თორემ სხვას ვერასდროს ვერ ვნებს. ჩვენ ქუთაისიდან ჩამოვედით, მისი მხარდამჭერები ვართ, გვჯერა მისი სიმართლის. სოლიდარობას ვუცხადებთ! გოგი უდანაშაულო, პოლიტპატიმარია“, – განაცხადა მსვლელობის ერთ-ერთმა მონაწილემ.
ცნობისთვის, გოგი წულაიას ბრალი სისხლის სამართლის კოდექსის 138-ე მუხლით წარუდგინეს, რაც სექსუალური ძალადობის მსგავს ქმედებას გულისხმობს.
