თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გორში 5 სექტემბერს ჩატარებული ქორწილი რამდენიმე ადამიანის ინფიცირების წყარო გახდა.
„გორში 5 სექტემბერს კვლავ ჩატარდა 100 კაციანი ქორწილი. რაც მიზეზი გახდა, გორსა და ახმეტის მუნიციპალიტეტში პირების დაინფიცირების. მოსახლეობას კვლავ მოვუწოდებთ თავი შეიკავონ ფართო მასშტაბიანი ღონისძიების ჩატარებისგან,“- განაცხადა ეზუგბაიამ.
შეგახსენებთ, ქვეყანაში კოვიდინფიცირების 2392 შემთხვევაა, მათგან გამოჯანმრთელდა 1369 პაციენტი.
