მმართველ გუნდსა და ოპოზიციას შორის მიმდინარე მოლაპარაკებებზე გრიგოლ ვაშაძე შესაძლოა ნიკა მელიამ ან გრიგოლ ვაშაძემ ჩაანაცვლოს.
ამის შესახებ ნაციონალური მოძრაობის ერთ-ერთმა ლიდერმა ზაალ უდუმაშვილმა განაცხადა.
„მოლაპარაკებებზე იქნება აღმასრულებელი მდივანი და პოლიტსაბჭოს თავმჯდომარეც, ეს ორი ადამიანი ჩაანაცვლებს გრიგოლ ვაშაძეს მოლაპარაკებებზე – ნიკა მელია, კობა ნაყოფია. ან ნიკა მელია, ან კობა ნაყოფია, ამას გადავწყვიტავთ, როცა დაინიშნება მოლაპარაკებები.“ – განაცხადა ზაალ უდუმაშვილმა.
მისივე თქმით, ჯერ არ განიხილავენ, ვინ ჩაანაცვლებს ვაშაძეს თავმჯდომარის პოსტზე.
„სათქმელადაც არ ვიცით, ჯერ ვინ შეცვლის ვაშაძეს თავმჯდომარის პოსტზე. ახლა ისეთი მნიშვნელოვანი პროცესი მიმდინარეობს მთლიანად ოპოზიციაში… პარტიას ყავს 2 აღმასრულებელი ორგანო: პოლიტსაბჭო და აღმასრულებელი სამდივნო, რომელიც მართავს პარტიას და ეს არ ქმნის პრობლემას.“- განაცხადა ზაალ უდუმაშვილმა.
შეგახსენებთ, ნაციონალური მოძრაობის თავმჯდომარემ, გრიგოლ ვაშაძემ პარტია 15 დეკემბერს დატოვა.
