გასული დღე-ღამის განმავლობაში გურიაში კოვიდინფიცირების 40 ფაქტი გამოვლინდა, შემთხვევათა რაოდენობა მეტ ყურადღებას და რეაგირებას საჭიროებს.

ამასთან დაკავშირებით, სახელმწიფო რწმუნებულმა გურიის მხარეში გიორგი სახოკიამ კოვიდის რეგიონული შტაბის წევრებთან მორიგი შეხვედრა გამართა.

სახელმწიფო რწმუნებულმა რეგიონში არსებული ეპიდვითარება სპეციალისტებთან ერთად განიხილა.

შეხვედრაზე განიხილეს ის ნაბიჯები, რომელიც შეიძლება გადაიდგას ინფიცირებულთა რიცხვის შესამცირებლად და ერთ-ერთი მსგავსი ინიციატივის საპილოტე რეჟიმში გაშვებასთან დაკავშირებით.

შეხვედრას რწმუნებულის რეგიონული საბჭოს წევრების გარდა, მუნიციპალიტეტების მერებიც დაესწრნენ.

გიორგი სახოკიამ კოვიდის მართვის საპილოტე რეჟიმში ჩართული სოფლის ამბულატორიები მოინახულა, სადაც სოფლის მოსახლეობას უტარდება უფასო ტესტირება და მათ აღარ მოუწევთ ადმინისტრაციულ ცენტრში მისვლა.

დღეის მონაცემებით, გურიის რეგიონში 329 კოვიდდადებითი პაციენტია: ოზურგეთში – 222, ლანჩხუთში – 34, ჩოხატაურში – 73, აქედან, 38 – მკურნალობს კლინიკაში; დაფიქსირებულია გარდაცვალების 55 შემთხვევა, ჯამში, რეგიონში ინფიცირების 5 %-იანი მაჩვენებელი გვაქვს.