„გუშინ პროგრამა წარმოადგინეს, დიდი ქორწილი გამართეს და პატარძალი არ იყო. ეს არის “ქართული ოცნების” მორიგი სიცრუე და თვალში ნაცრის შეყრა“,- ასე ეხმაურება „ნაციონალური მოძრაობის“ თავმჯდომარემ, რომან გოცირიძე „ქართული ოცნების“ საარჩევნო სიისა და პროგრამის პრეზენტაციას.

როგორც იგი ამბობს, პარტიას გუშინ პროგრამა არ წარმოუდგნია, არამედ ლაპარაკი იყო მხოლოდ წარსულზე.

“ბიძინა ივანიშვილის გამოსვლა იყო სასოწარკვეთილი ადამიანის მიმართვა, რომელსაც ის ერთი ბოლო სათქმელიც არ შემორჩა, რაც ჰქონდა ბოლო არჩევნების დროს, როცა შეეხვეწა ხალხს, ერთი წელი მომეცით და ისე დავალაგებ ამ ქვეყანას, როგორც დაგიბარებიათო, მაშინაც აღარ დააყოლა ევროპას და ამერიკას გავაკვირვებო, როგორ გააკვირვა, კი ვიცით ყველამ – ევროპაც გააკვირვა, ამერიკაც და შოკში ჩააგდო ქართველი ხალხი. ეს არის ისტორიულ სანაგვეში მიმავალი პარტიის რექვიემი. გზებს დავაგებო, რისი გზების დამგებია, 20-ფურცლიანი ქაღალდი ვერ მოუტანიათ იდეებით ჩამოწერილი. ამიტომ მოიტანონ პროგრამა, მაგრამ მასში რა იქნება? – ისეთივე სიცრუე, რაც გვინახავს. რადგან იმ ფილმით დავიწყე – „დაუკარით, უპატარძლო ქორწილიაო“ – ხალხო, რაც გინახავთ ვეღარ ნახავთ.

პროგრამა კი არ წარმოადგინეს, შეეცადნენ თავიანთი 8-წლიანი საშინელი მმართველობის გამართლებას, რომელმაც ქვეყანა ჩააგდო უკიდურეს სიღარიბეში“,- განაცხადა რომან გოცირიძემ.

ცნობისთვის, გუშინ „ქართული ოცნებამ“ საარჩევნო სიისა და საარჩევნო პროგრამის პრზენტაცია გამართა.