„გირჩის“ ლიდერი, იაგო ხვიჩია პასუხობს გავრცელებულ ინფორმაციას, თითქოს მოსალოდნელია, რომ „ლელომ“, „გირჩმა“, „სტრატეგია აღმაშენებელმა“ და „ევროპულმა საქართველომ“ ცალკე გაერთიანება შექმნან.
„ზოგადად, მაინტერესებს ხოლმე საკუთარ თავზე მოსმენილი ჭორები. სერიოზულად როგორ ვამტკიცო ის, რაც ზუსტად ვიცი, რომ არ ხდება. ამ წუთას ხდება ის, რომ ჩვენ ოპოზიციასთან ერთად ვართ და ნებისმიერი დაყოფა ოპოზიციის შიგნით დასუსტებად მიგვაჩნია და პირიქით, ოპოზიციის გაძლიერებისკენ მივდივართ. ამის იქით ისედაც ვთანამშრომლობდით სხვადასხვა პარტიებთან და ზოგადად, კოალიციაზე ძალიან ცუდი გამოცდილება გვაქვს. ანდაზა რომ არის, ჩამოხრჩობილის ოჯახში, თოკზე არ ლაპარაკობენო, ზუსტად ასე ვსაუბრობთ ჩვენ კოალიციაზე. განა პოლიტიკაში რამე უნდა გამორიცხო ოდესმე, მაგრამ ის, რომ ახლა „გირჩი“ ვინმესთან კოალიციას განიხილავს, არასერიოზულია“, – განაცხადა ხვიჩიამ საქართველოს პირველ არხთან საუბრისას.
