„რაში სჭირდება დიმიტრი შაშკინს ან კახა ოქრიაშვილს იარაღი, როდესაც საარჩევნო უბანზე დადიან?- ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ ბრიფინგზე განაცხადა.
როგორც კობახიძე ამბობს, იარაღის დემონსტრირებაც, ამ დესტრუქციული სცენარის შემადგენელი ნაწილია.
„იარაღის ტარების უფლება ნებისმიერ დეპუტატს, სამართალდამცველს აქვს, მაგრამ როდესაც საქმე საარჩევნო პროცესს ეხება, თითოეულ ჩვენგანს გამორჩეული პასუხისმგებლობა აქვს. იქ, დაუშვებელია ვინმე იარაღით დადიოდეს. რაში სჭირდება დიმიტრი შაშკინს ან კახა ოქრიაშვილს იარაღი, როდესაც საარჩევნო უბანზე დადიან? არაფერში! ბუნებრივია, ძალიან ლოგიკური ეჭვები ჩნდება, რომ დესტრუქციული ზრახვები აქვთ. იარაღის დემონსტრირებაც ამ დესტრუქციული სცენარის შემადგენელი ნაწილია“,- განაცხადა ირაკლი კობახიძემ.
ინფორმაციისთვის, რამდენიმე წუთის წინ „იმედინიუსმა“ გაავრცელა ფოტო, რომელზეც, „ნაციონალური მოძრაობის“ ერთ-ერთი ლიდერი, დიმიტრი შაშკინია გადაღებული.
იხილეთ ვიდეო: დიმიტრი შაშკინის პირველი კომენტარი იარაღთან დაკავშირებით – მაქვს უფლება ვატარო იარაღი.
ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე
