„ქვეყანაში შექმნილი მძიმე სოციალური და ეკონომიკური ფონი სრული ლოკდაუნის შესაძლებლობას არ იძლევა. შეზღუდვების დაწესების აუცილებლობა არ არის, ვინაიდან ქვეყანას უკვე ვაქცინაციის შესაძლებლობა აქვს.“- ამის შესახებ ჯანდაცვის მინისტრის მოადგილემ განაცხადა.
მისი თქმით, ამ ეტაპზე შეზღუდვების გამკაცრება არ იგეგმება.
„ამ ეტაპზე, ჯერჯერობით შეზღუდვების გამკაცრებაზე საუბარი არ არის, გამომდინარე იქიდან, რომ ბოლო პერიოდში საკმაოდ დიდი აქცენტი კეთდებოდა შეზღუდვების წინააღმდეგ მოსახლეობის მხრიდან სოციალური ფონი, ასევე ეკონომიკური ფონი არის საკმაოდ მძიმე, რაც ტოტალური ლოკდაუნის შესაძლებლობას ძნელად მოგვცემს და ამის აუცილებლობა დღეს არც არის, იქიდან გამომდინარე, რომ გვაქვს ვაქცინაციის შესაძლებლობა.“ – განაცხადა თამარ გაბუნიამ.
