იქნებიან თუ არა ცნობილი ეპიდემიოლოგები „ქართული ოცნების“ ახალ სიაში, ამ კითხვას პარტიის გენერალური მდივანი კახა კალაძე „რუსთავი 2-ის“ ეთერში პასუხობს.
„მე ყველა ამ ადამიანს მინდა კიდევ ერთხელ მადლობა გადავუხადო იმ შრომისთვის, რასაც ესენი ყოველდღიურ რეჟიმში აკეთებენ, ნამდვილად დასაფასებელია ამ ადამიანების შრომა. რაც შეეხება პოლიტიკას, ორი განსხვავებული მიმართულებაა, ნებისმიერ ადამიანს, არ აქვს მნიშვნელობა რა პროფესიისაა, აქვს ხედვა ამა თუ იმ საკითხზე, ეს ადამიანები არ მალავენ რომ აქვთ გარკვეული სიმპათიები „ქართული ოცნების“ მიმართ, სიაზე არ ყოფილა საუბარი, ისინი ჩვენ ქვეყანას სჭირდება იქ, სადაც იმყოფებიან“, – განაცხადა კახა კალაძე.
შეგახსენებთ, რომ 20 ივლისს „ქართულმა ოცნებამ“ მაჟორიტარობის კანდიდატები წარადგინა, პრეზენტაციას ცნობილი ეპიდემიოლოგები ამირან გამყრელიძე, თენგიზ ცერცვაძე, პაატა იმნაძე და ლევან რატიანი ესწრებოდნენ.
„ქართულმა ოცნებამ” მაჟორიტარი დეპუტატობის კანდიდატები წარადგინა
