„ნაციონალური მოძრაობის“ წევრის რომან გოცირიძე, პრემიერ-მინისტრობის კანდიდატის, ირაკლი ღარიბაშვილის განცხადებებს ეხმაურება, რომელი მანდ პარლამენტში გამოსვლისას განაცხადა.
როგორც რომან გოცირიძე ამბობს, მსგავსი განცხადებები ქვეყნის ეკონომიკურ და სოციალურ მდგომარეობაზე მძიმედ აისახება.
„ის განცხადებები, რომელიც გააკეთა ღარიბაშვილმა, მათ შორის ის, რომ აუცილებლად დააკავებენ ნიკა მელიას, ემსახურება ვითარების ესკალაციას. ძალიან მძიმედ დაუჯდება ეს „ქართულ ოცნებას“. სამწუხარო იქნება, რომ ამ განცხადებების და ხელისუფლების ქმედებების მთლიანად ჩამოიშალება ქვეყნის ეკონომიკა და ამ ნანგრევებში მოჰყვება ივანიშვილი და მისი მთავრობა. ამიტომ ჩვენ არ გვინდა ხელისუფლების მსგავსმა განცხადებებმა მოახდინოს ჩვენი მოქალაქეების სოციალურ მდგომარეობაზე გავლენა.
თითოეული მსგავსი განცხადება ნიშნავს დაშინებულ ინვესტორს. ეს განცხადებები ნიშნავს ასობით მილიონის დაკარგავს და ქვეყნის გაღატაკებას. რაც შეეხება მის განაცხადებას, რომ ისინი აპირებენ 10-წლიან პროგრამას, 10- თვიანი პროგრამა ვერ შეუდგენიათ და ნებისმიერი მათი განცხადება, რომელიც კეთდება პროგრამის სახით ერთი თვის შემდეგ სანაგვეში იქნება გადასაგდები. გავიხსენოთ 2020 პროგრამა, რომელიც 8 წლის წინ შეიქმნა უცხოელების დახმარებით და კარგი პროგრამა იყო, თუმცა პროგრამა 2020-დან 99,9 % არ შესრულებულა. რისი 10-წლიანი პროგრამა და რისი 100- დღიანი ოპოზიციის მოთვინიერება? 100 დღე კონსტისტუციური წესრიგის აღსადგენად, 100 დღე ოპოზიციის მოსათოკად, ეს არის აგრესიული გამონათქვამები , რომელიც მძიმედ დაუჯდება „ოცნებას“ და მის ახალ პრემიერ-მინისტრს, რომელიც მოყვება თავიანთი აგრესიული პოლიტიკურ ნამსხვრევებში. ამიტომ ჯობს, შეცვალონ რიტორიკა და დაიწყონ მოლაპარაკება ოპოზიციასთან“, – განაცხადა გოცირიძემ.
ცნობისთვის, პარლამენტში დღეს მთავრობის ახალ შემადგენლობას კენჭს უყრიან.
ნიკა მელია არის კრიმინალი, რომელიც პარტიის თავმჯდომარედ გამოაცხადეს – ირაკლი ღარიბაშვილი
