“გახარიას მხრიდან 20 ივნისის ოპერაცია იყო აბსოლუტურად გაუგებრად დაგეგმილი, რამაც საბოლოო ჯამში მძიმე შედეგებამდე მიგვიყვანა – ოპერაციას გეგმავდნენ ორნი – გახარია და საბანაძე, შესაბამისად ყველაფერში იყვნენ ჩართულები”, – ამის შესახებ ირაკლი კობახიძემ „მთავარი არხის“ ეთერში განაცხადა.
„რაც ხდებოდა 20 ივნისს, ბუნებრივია, გაგვიჩნდა გარკვეული ეჭვები, ოპერაცია იყო აბსოლუტურად გაუგებრად დაგეგმილი გახარიას მხრიდან. დაშლის ოპერაციას ვგულისხმობ, რამაც საბოლოო ჯამში მძიმე შედეგებამდე მიგვიყვანა. ვინც ერკვევა ელემენტარულად, ამაზე კონსულტაციებიც მაქვს გავლილი და კითხვებიც მაქვს დასმული. რატომ იდგნენ შინაგან საქმეთა სამინისტროს სპეც ჯგუფები ჭიშკრის გარეთ და არა ჭიშკრის შიგნით? ამაზე კითხვაზე პასუხი არ არსებობს“, – განაცხადა ირაკლი კობახიძემ.
20 ივნისს, საღამოს პარლამენტთან მშვიდობიანი აქციის შემდეგ, მომიტინგეების ნაწილმა შენობაში შეჭრა შტურმით სცადა. სპეცრაზმა აქციის დაშლა დაიწყო და რამდენჯერმე გამოიყენა ცრემლმდენი გაზი, წყლის ჭავლი და რეზინის ტყვიები. შედეგად საავადმყოფოში გადაიყვანეს 240 ადამიანი, მათგან 80 სამართალდამცველი, 4 ადამიანს თვალი დაუზიანდა, ერთმა მოქალაქემ და ერთმა სამართალდამცველმა კი დაკარგა.
მისივე თქმით, ოპერაციის დაგეგმვაზე პასუხისმგებელი გიორგი გახარია იყო და ამას ერთ-ერთ მოადგილესთან ერთად აკეთებდა. „რა თქმა უნდა ის იღებდა ამ გადაწყვეტილებებს. ოპერაციის დაგეგმვაზე, რა თქმა უნდა ის იყო პასუხისმგებელი და თვითონ აკეთებდა ამას ერთ-ერთ მოადგილესთან ერთად. ანუ ეს იყო ერთ-ერთი პირველი კითხვის ნიშანი, რატომ იყო სპეცრაზმი გარეთ, როდესაც უნდა მდგარიყო შიგნით და ყველა დაადასტურებს ამას. ეს ერთ და მეორე რატომ არ იყო გამოყენებული წყლის ჭავლი და სხვა რბილი სპეცსაშუალებები. საბოლოო ჯამში უკვე იძულება იყო ტყვიების გამოყენება იმისთვის, რომ მოგერიებულიყო შტურმი პარლამენტზე. და რატომ მოხდა ერთი და მეორე. ჭიშკრის გარეთ სპეცრაზმის დგომა და რბილი საშუალებების არ გამოყენება ამაზე პასუხი არ არსებობს.
ნებისმიერი ჭიშკრის დაცვა, რამდენიმე ჭიშკარია იქ, იყო მარტივი. იქიდან გამომდინარე, რომ ადამიანების რაოდენობა არ იყო ისეთი, რომელიც იძლეოდა უფრო მეტ საფრთხის ფიქრის საშუალებას. სპეცრაზმი რომ ყოფილიყო შიგნით და რომ გამოყენებულიყო უმარტივესი რბილი საშუალებები, თავიდან იქნებოდა აცილებული.ჩვენ ეს გვეგონა შეცდომები, თუმცა შესაძლოა არ იყო შეცდომები. ოპერაციას გეგმავდნენ ორნი. ეს იყო გახარია და საბანაძე. შესაბამისად იყვნენ ყველაფერში ჩართულები“, – განაცხადა ირაკლი კობახიძემ.
