„ირაკლი კობახიძე იცავს საკუთარ პოზიციებს, როგორც გაკოტრებული პარტიის თავმჯდომარე“, – ამის შესახებ ფრაქცია „ლელო – პარტნიორობა საქართველოსთვის” წევრმა, სალომე სამადაშვილმა განაცხადა.
ამ განცხადებით სალომე სამადაშვილი გიორგი გახარიას შესახებ ირაკლი კობახიძის განცხადებებს ეხმაურება.
„გახარია ფიქრობს, რომ შესთავაზოს პოლიტიკური პროექტი, რომელიც შეიძლება მისთვის უფრო საინტერესო იყოს, ვიდრე გაკოტრებული „ქართული ოცნება“. ირაკლი კობახიძე იცავს საკუთარ პოზიციებს, როგორც ამ გაკოტრებული პარტიის თავმჯდომარე და საბოლოო ჯამში გადაწყვეტილების მიმღები, ძალაუფლების წყარო და საერთოდ, ყველანაირი პრობლემის მიზეზი რჩება ისევ ივანიშვილის არაფორმალური მმართველობა. ამიტომ, ივანიშვილის პოლიტიკური პროექტები, გახარია იქნება ეს, კობახიძე თუ სხვა, ხალხისთვის სატყუარა აღარ იქნება, ჩვენ ხელისუფლება აუცილებლად უნდა შევცვალოთ დემოკრატიული ოპოზიციის კოალიციურ ხელისუფლებაში მოყვანის გზით, რაც არის ერთადერთი გზა იმისთვის, რომ ჩვენ დავამარცხოთ ოლიგარქიული რეჟიმი ქვეყანაში,”- განაცხადა სამადაშვილმა.
დაგაინტერესებთ:
