ირანის პრეზიდენტი, ჰასან როუჰანი ამბობს, რომ უცხოურ კომპანიებს ქვეყანაში ვაქცინის შეტანის უფლებას არ მისცემენ. ამის შესახებ უცხოური მედია წერს.
მისი თქმით, ირანელი ხალხი ვაქცინების მწარმოებელი კომპანიებისთვის „საცდელი მოწყობილობა“ არ გახდება.
„უცხოურ კომპანიებს სურდათ, ჩვენთვის ვაქცინები მოეწოდებინათ და ირანელ ხალხზე გამოგვეცადა, მაგრამ ჩვენმა ჯანდაცვის სამინისტრომ მათი განზრახვა აღკვეთა. ჩვენი ხალხი ვაქცინების მწარმოებელი კომპანიებისთვის საცდელი მოწყობილობა არ გახდება. ჩვენ უსაფრთხო უცხოურ ვაქცინებს შევიძენთ,“- განაცხადა ირანის პრეზიდენტმა.
მანამდე, ირანის სულიერმა ლიდერმა განაცხადა, რომ დასავლეთიდან შემოტანილ ვაქცინას არ ენდობა და ოფიციალურ პირებს მოუწოდა ვაქცინა ქვეყენაში არ შეიტანონ.
