ბათუმის ქუჩებში საპროტესტო პოსტერები გამოჩნდა. მასზე გამოსახულ პატრიოტთა ალიანსის ლიდერებს – ირმა ინაშვილსა და დავით თარხან-მოურავს, რუსეთის პრეზიდენტის, ვლადიმერ პუტინის სახე აქვთ.
პოსტერს თან ახლავს წარწერა: „ჩემი ქვეყნის 20% ოკუპირებულია რუსეთის მიერ“.
შეგახსენებთ, პარტია პატრიოტთა ალიანსმა რამდენიმე დღის წინ, საარჩევნო ბანერები გააკრა, რომლებზეც აჭარის რეგიონი გამოყოფილია, როგორც ოკუპირებული ტერიტორია, აფხაზეთთან და სამხრეთ ოსეთთან ერთად.
აღნიშნული ბანერები ბათუმის მუნიციპალურმა ინსპექციამ ჩამოხსნა.
