იტალიის სამხრეთით სან-მაურო-ლა-ბრუკას ადმინისტრაციამ ტურისტების და ბინების პოტენციური მყიდველების მისაზიდად სპეციალური აქცია დაიწყო – ქალაქში ჩასულებზე ბინებს ღამეში 2 ევროდ აქირავებენ. ინფორმაციას პორტალი idealista ავრცელებს.
ეს ფასი იმოქმედებს არა მხოლოდ უცხოელებზე, არამედ იტალიის სხვა რეგიონებიდან ჩასულებზეც.
„ბოლო დროს სან-მაურო-ლა-ბრუკა დეპოპულაციის გამო ძალიან დაზარალდა. ადამიანების მოსაზიდად ერთადერთი გზა ბინების სასაცილო ფასად – 2 ევროდ გაქირავება იყო. ეს არის აუცილებელი მინიმუმი, რაც გაქირავებისთვის არსებული ხარჯების მცირე ნაწილს დაფარავს“ – განუცხადა გამოცემას ადგილობრივი ადმინისტრაციის ხელმძღვანელმა.
აქცია 25 ივლისს დაიწყო და 30 სექტემბრამდე გაგრძელდება. მერიაში აცხადებენ, რომ ის შესაძლოა შობამდეც გაგრძელდეს.
ქალაქი ცენტრში დღეს გარემონტებული ბინის შეძენა 25 ათას ევროდ არის შესაძლებელი.
