აშშ უაღრესად დაინტერესებულია ნატოსა და ევროკავშირთან შესანიშნავი ურთიერთობები ჰქონდეს, – განაცხადა აშშ-ის პრეზიდენტმა, ჯო ბაიდენმა ევროკავშირი-აშშ-ის სამიტზე.
„ამერიკა დაბრუნდა. ჩვენ ვადასტურებთ იმ ფაქტს, რომ უმეტესწილად ამერიკის შეერთებული შტატების ინტერესებშია ჰქონდეს შესანიშნავი ურთიერთობა ნატოსა და ევროკავშირთან. ამ საკითხზე ჩემი წინამორბედისგან განსხვავებული შეხედულება მაქვს“, – აღნიშნა ჯო ბაიდენმა.
თავის მხრივ, ევროპული საბჭოს პრეზიდენტმა, შარლ მიშელმა განაცხადა, რომ ამერიკის გლობალურ არენაზე დაბრუნება შესანიშნავი ამბავია.
„ბოლო ოთხი წელი იოლი არ იყო. მსოფლიო მკვეთრად შეიცვალა, ევროპა შეიცვალა“, – აღნიშნა ევროკომისიის პრეზიდენტმა, ურსულა ფონ დერ ლაიენმა.
ბრიუსელში დღეს აშშ-ევროკავშირის სამიტი გაიმართა, რომელსაც აშშ-ის პრეზიდენტი, ჯო ბაიდენი დაესწრო. ევროკავშირის მხრიდან სამიტს ევროპული საბჭოს პრეზიდენტი, შარლ მიშელი და ევროკომისიის პრეზიდენტი, ურსულა ფონ დერ ლაიენი დაესწრნენ.
