აშშ-ს ახლადდანიშნულმა პრეზიდენტმა ლგბტ+ თემასთან დაკავშირებით ხელი მემორანდუმს მოაწერა. დოკუმენტი ლესბოსელი, გეი, ბისექსუალი, ტრანსგენდერი, ქვიარ და ინტერსექს პირთა უფლებების დაცვას ეხმიანება.
უნდა აღინიშნოს, რომ დოკუმენტი 2011 წელს, აღნიშნულ საკითხთან დაკავშირებით დაწერილ მემორანდუმს, ხელახლა ადასტურებს და ავრცელებს.
„ყველა ადამიანი პატივისცემით, ღირსებით უნდა იყოს მოპყრობილი და [ადამიანებს] ცხოვრება შიშის გარეშე უნდა შეეძლოთ, იმის მიუხედავად, თუ ვინ არიან ან ვინ უყვართ“ – წერია ჯო ბაიდენის განცხადებაში.
ინფორმაციას თეთრი სახლი ავრცელებს.
