რა შეიცვალა ბოლო საათებში?
ჯო ბაიდენმა არჩევნები მოიგო მიჩიგანის შტატში – ეს არის ერთ-ერთი საკვანძო ლოკაცია ამერიკის საპეზიდენტო არჩენებზე საერთო გამარჯვებისთვის. ამის შესახებ ამერიკული მედია აცხადებს, რომელიც თვალ-ყურს ადევნებს საარჩევნო პროცესს.
NBC News-ისა და CNN-ის შეფასებით, ბიულეტენების 99%-ის დამუშავების შემდეგ, ბაიდენმა ამ შტატში ხმათა , 50,4% პროცენტი მიიღო, დონალდ ტრამპმა კი – 48%. უმნიშვნელო სხვაობაა Fox News-ის მონაცემებში, რომლის მიხედვით ბაიდენს აქვს 50,5%, ტრამპს აქაც 48% მიაკუთვნეს.
თუ ბაიდენის გამარჯვება ოფიციალურად დადასტურდება, ეს ნიშნავს, რომ მან ერთ-ერთი „ცისფერი კედელი“ მოიგო – ასე ეძახიან შტატებს, სადაც დემოკრატები სულ იგებდნენ 1992 წლიდან 2012 წლის ჩათვლით. მხოლოდ 2016 წელს დათმო მიჩიგანის შტატი ჰილარი კლინტონმა ტრამპთან.
ამ „კედლის“ კიდევ ერთი უბანი, რომელმაც ბაიდენმა „აიღო“ – ვისკონსინის შტატია.
The New York Times-ის და NBC News-ის ინფორმაციით, დემოკრატების კანდიდატმა აქ ხმების 49,4% მიიღო, ტრამპმა კი – 48,8%. Fox News-ის ინფორმაციით: ბაიდენს აქვს 49,6%, ტრამპს – ზუსტად 49%. Associated Press-ი კი აცხადებს, რომ კანდიდატებისთვის მიცემულ ხმათა რაოდენობას შორის სხვაობა 0,624%-ია.
ორივე შტატის შედეგებში, დასაწყისში ბაიდენი ჩამორჩებოდა, ვინაიდან ჯერ დაითვალეს საარჩევნო უბნებიდან შესული ხმები, შემდეგ კი – ფოსტით მისული. დემოკრატები კი ძირითადად სწორედ ფოსტით აფიქსირებდნენ არჩევანს.
კიდევ რა სჭირდება ბაიდენს გამარჯვებისთვის?
ამჟამად ხმებს ჯერ კიდევ ითვლიან 6 შტატში. ესენია: ალიასკა, არიზონა, ჯორჯია, ჩრდილოეთ კაროლინა, ნევადა და პენსილვანია.. მიჩიგანის და ვისკონსინის შტატების სავააუდო მოგების შემდეგ, ტრამპს, კონსერვატული გათვლით, ამომრჩეველთა კოლეგიების 214 ხმა უნდა ჰქონდეს, ბაიდენს კი – 253. გამარჯვებისთვის საჭიროა კოლეგიების 270 ხმა.
ეს შეფასება კონსერვატული იმიტომ არის, რომ არიზონაში კენჭისყრის შედეგები მთლად გარკვეული არ არის. ჯერ კიდევ გუშინ, ამ, ტრადიციულად რესპუბლიკელების შტატში, ბაიდენის ლიდერობა რამდენიმე მედიასაშუალებამ, მათ შორის კონსერვატულმა Fox News-მაც დეოკრატების კანდიდატის გამარჯვებად გამოაცხადა. თუმცა დილისთვის ტრამპმა ხმების სხვაობა 69 ათასამდე შეამცირა. დასათვლელი რჩება დაახლოებით 500 ათასი ბიულეტენი. სწორედ არიზონაში რესპუბლიკელები ფოსტით კენჭისყრისთვის უკეთ მოემზადნენ, ვიდრე სხვა შტატებში იმ ბიულეტენების უმრავლესობა, რომელიც ამ წუთებშიც ითვლება, სწორედ მათი მხარდამჭერებისგანაა.
ამის მიუხედავად, ამერიკელი ანალიტიკოსები ვარაუდობენ, რომ ბაიდენი სხვაობას მაინც გაზრდის, ვინაიდან ხმები ჯერ კიდევ დასათვლელია ისეთ შტატებში, სადაც ძირითადად დემოკრატების მიმართ არიან ლოიალურად განწყობილები.
თუ ბაიდენი არიზონას შეინარჩუნებს, ეს იმას ნიშნავს, რომ გამარჯვებისთვის დემოკრატებს მხოლოდ ერთი შტატი დარჩებათ. ამის საუკეთესო შანსი კი ბაიდენს ნევადასა და პენსილვანიაში აქვს. ნევადაში ის ტრამპს უმნიშვნელოდ უსწრებს (49,3% და 48,7%), მაგრამ იქ ხმების უმრავლესობა ფოსტით ლას-ვეგასიდან და სხვა ოლქებიდან მივიდა, სადაც დემოკრატების პოზიციები უფრო ძლიერია.
უფრო რთულად არის სიტუაცია პენსილვანიაში. ჯერ კიდევ 24 საათის წინ, როცა ხმათა 70% იყო დათვლილი, ტრამპი იქ 10%-იანი სხვაობით ლიდერობდა. ახლა ეს სხვაობა 3%-მდეა შემცირებული (ეს არის დაახლოებით 165 ათასი ხმა). ახლ საკითხი დგას ასე – გაიზრდება თუ არა ბაიდენის სასარგებლოდ მიცემული ხმების რაოდენობა იგივე ტემპით, რათა გადაასწროს მეტოქეს, როგორც ეს მიჩიგანის შტატში მოხდა. ჯერ კიდევ არ არის დათვლილი ხმები (დაახლოებით 460-დან 750 ათასამდე) მსხვილი ქალაქებიდან და მათი შემოგარენიდან, სადაც დემოკრატები ყოველთვის დამაჯერებლად იმარჯვებდნენ. ასე მოხდა 2016 წლის არჩევნებზეცა კი. ამიტომაც, ამერიკელი დამკვირვებლები ფრთხილად, მაგრამ დამაჯერებლად აქაც უწინასწარმეტყველებენ გამარჯვებას ბაიდენს.
არანაკლებად მნიშვნელოვანი ბონუსი იქნება ბაიდენისთვის ჯორჯიის შტატი (16 კოლეგია). აქ, მიჩიგანისა და პენსილვანიისგან განსხვავებით, ბიულეტენებს ერთდროულად ითვლიდნენ. ამიტომაც ტრამპის გამარჯვება უმრავლესობას გარანტირებული ეგონა. თუმცა ახლა სხვაობა 20 ათას ხმამდეა შემცირებული. ამასთან ჯერ კიდევ რამდენიმე ათასი ათეული ბიულეტენია დასათვლელი. ამ ბიულეტენებს ელოდებიან ძირითადად შტატის დედაქალაქ ატლანდტადან და მისი შემოგარენიდან, სადაც დემოკრატები ყოველთვის იმარჯვებდნენ.
ამდენად, გარანტირებული გამარჯვებისთვის ბაიდენს რჩება მხოლოდ ის, რომ ან პენსილვანია უნდა მოიგოს, ან – გაამყაროს ლიდერობა არიზონაში და ამასთან მიიღოს ხმათა უმრავლესობა დარჩენილი შტატებიდან – ნევადა,, ჯორჯია, ან ჩრდილოეთ კაროლინა. ამ უკანასკნელში, ექსპერტების აზრით, ბაიდენს გამარჯვების შანსები თითქმის არ აქვს.
რეკომენდებული სტატია ⇒ ყოველთვის არ იმარჯვებს ის, ვისაც ყველაზე მეტი ხმა ერგო – აშშ-ს საარჩევნო სისტემის თავისებურებები
